រថយន្តហាយឡេនឌ័រ១គ្រឿងឡើងវ៉ារថយន្តស្របទិសគ្នាបណ្តាលបុកអ្នកជិៈម៉ូតូ របួសធ្ងន់នៅស្រុកមង្គលបូរី
09-April-2018 | ដោយ ពលមនសិការ
បន្ទាយមានជ័យ ៖ រថយន្តហាយឡេនឌ័រ១គ្រឿងឡើងវ៉ារថយន្តស្របទិសគ្នាបណ្តាលបុកអ្នកជិៈម៉ូតូបណ្តាលរបួសធ្ងន់ដែលកើតឡើងនៅវេលាម៉ោង៣និង៣០នាទីថ្ងៃទី០៨ ខែមេសា ឆ្នាំ២០១៨ ស្ថិតចំណុចមុខការ៉ាសាំងនៅភូមិគោកទំលាប់ ឃុំបន្ទាយនាង ស្រុកមង្គលបូរី។
ជនរងគ្រោះដែលត្រូវរថយន្តបុកបណ្តាលរបួសធ្ងន់មានឈ្មោះ ឌាន ឡងឌី ភេទប្រុស អាយុ២៣ឆ្នាំ រស់នៅភូមិបេងឃុំបន្ទាយស្ទោង ស្រុកស្ទោង ខេត្តកំពង់ធំ។
អ្នកឃើញហេតុការបានប្រាប់ថា នៅពេលគ្រោះថ្នាក់ចរាចរណ៍កើតឡើងគឺមានរថយន្ត១គ្រឿងម៉ាក់ហាយឡេនឌ័រដែលពាក់ស្លាកលេខ ភ្នំពេញ 2T-0155 ដែលបើកបរតាមបណ្តោយជាតិលេខ៥ ក្នុងទិសដៅពីជើងទៅត្បូងក្នុងល្បឿនលឿនបានឡើងវ៉ារថយន្តស្របទិសគ្នា១គ្រឿងទៀតបានទៅបុកនិងអ្នកជិៈម៉ូតូ១គ្រឿងម៉ាក់វ៉េវពណ៌ក្រហមគ្មានស្លាកលេខដែលមកបញ្ច្រាសទិសគ្នាពេញទំហឹងបណ្តាលរបួសធ្ងន់ឈាមចេញតាមមាត់និងត្រចៀកច្រមុះហើយរយះពេលជាង២០នាទីក្រោយទើបរថយន្តសង្គ្រោះយកទៅមន្ទីពេទ្យ។
ក្រោយពេលគ្រោះថ្នាក់ចរាចរណ៍កើតឡើងឃើញកម្លាំងនគរបាលចរាចរណ៍២ទៅ៣នាក់បានចុះមកពិនិត្យវាស់វែងឃើញថាគ្រោះថ្នាក់ចរាចរណ៍កើតឡើងបង្កដោយអ្នកបើកបររថយន្តហាយឡេនឌ័របើកបរក្នុងល្បឿនលឿនហើយឡើងវ៉ារថយន្ត១គ្រឿងទៀតគ្មានការប្រុងប្រយ័ត្នទើបបណ្តាលបុកអ្នកជិៈម៉ូតូបណ្តាលរបួសធ្ងន់និងម៉ូតូខូចខាតខ្ទិចហើយអ្នកបើកបររថយន្តគេចខ្លួនបាត់។ ក្រោយពេលវាស់វែងហើយកម្លាំងនគរជំនាញយករថយន្តដែលបង្កនិងម៉ូតូរងគ្រោះទៅរក្សាទុកនៅអធិការដ្ឋាននគរបាលស្រុកមង្គលបូរីដើម្បីចាត់ការតាមច្បាប់៕
ចំនួនអ្នកទស្សនា
- ថ្ងៃនេះ2821
- ម្សិលមិញ10851
- សប្តាហ៍នេះ69341
- ខែនេះ184491
- ឆ្នាំនេះ184491
- សរុប20626947